ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

ប្រទេសលោកខាងលិចទទួលស្គាល់អ្នកការទូតរដ្ឋាភិបាលអាណត្តិថ្មីរបស់កម្ពុជាជាបន្តបន្ទាប់

  • ចុះផ្សាយថ្ងៃទី២៨ ខែសីហា ឆ្នាំ២០២៣ ម៉ោង ១៨:៣៥ នាទី ដោយ Hun Siirvadh
  • 2192
  Aa |   aA

ភ្នំពេញ៖ ប្រទេសចំនួន៧ បានយល់ព្រមទទួលស្គាល់ឯកអគ្គរាជទូតថ្មីរបស់កម្ពុជាក្នុងនោះមាន ៥ប្រទេស គឺប្រទេសស្ថិតក្នុងសហភាពអឺរ៉ុប និងជាប្រទេសដែលអាចហៅថាជាប្រទេសដែលមានអំណាចជាងគេនៅអឺរ៉ុបផងដែរនោះ ដែលមានដូចជា បារាំង អង់គ្លេស អាល្លីម៉ង់ និងតួកគី។

ឯកអគ្គរាជទូតកម្ពុជាដែលត្រូវទៅកាន់តំណែងថ្មីនៅខែកញ្ញា ខាងមុខលោក លុយ ដាវីត បានថ្លែងក្នុងសន្នីសិទសារព័ត៌មាននៅវិមានរដ្ឋសភាថាការងារដំបូងដែលលោកទៅបំពេញមុខការជាអ្នកការទូតនៅបារាំងគឺបង្កើតទំនាក់ទំនងជាមួយប្រធានធិបតី និងរដ្ឋមន្ត្រីសំខាន់ៗនៃសាធារណរដ្ឋបារាំង រួមទាំងទំនាក់ទំនងជាមួយសហគមន៍ខ្មែរនៅបារាំងដើម្បីបង្ហាញនូវការពិតពីកម្ពុជាទៅកាន់អ្នកទាំងនោះ។

លោកថា៖ «ខ្ញុំគាត់មកស្រុកខ្មែរគាត់ឃើញគាត់បានឃើញផ្ទាល់ភ្នែកហើយ ក៏ប៉ុន្ដែមានប្រជាពលរដ្ឋមួយចំនួនគាត់អត់ដែលមកទេគាត់ស្ដាប់ពីគេ ស្ដាប់តែការញុះញ៉ង់របស់អ្នកនយោបាយមួយចំនួនដែលមាននិន្នាការប្រឆាំងយើងហ្នឹងគឺគាត់យល់ច្រលំ។ អ៊ីចឹងធ្វើមិចឱ្យគាត់យល់គាត់ដឹងពីប្រទេសជាតិយើងយ៉ាងមិច ហើយធ្វើមិចឱ្យគាត់មកឃើញប្រទេសយើងដោយផ្ទាល់ភ្នែកក៏ជាការមួយដែលល្អផងដែរ»។

ប្រទេសទាំង៧ ដែលព្រមទទួលស្គាល់ឯកអគ្គរាជទូតកម្ពុជាថ្មីនោះរួមមានប្រទេសបារាំង អង់គ្លេស អាល្លីម៉ង់ តួកគី ឥណ្ឌូនេស៊ី ឡាវ និងស៊ែបី។

លោក លុយ ដាវីត បញ្ជាក់ថា ការទទួលស្គាល់ឯកអគ្គរាជទូតថ្មីពីបណ្ដាប្រទេសទាំងនេះជាពិសេសលោកខាងលិចជាការបញ្ជាក់ពីចេតនារបស់ពួកគេក្នុងការធ្វើការជាមួយរដ្ឋាភិបាលថ្មីដែលដឹកនាំដោយលោក ហ៊ុន ម៉ាណែត។

លោកថា៖ «គេទទួលស្គាល់យើងខ្ញុំជាឯកអគ្គរាជទូតនៅប្រទេសទាំងនោះដែលចេញមកពីរដ្ឋាភិបាលថ្មីហើយដែលចេញពីការបោះឆ្នោតថ្មីនេះ។ អ៊ីចឹងគឺបញ្ជាក់ច្បាស់ហើយថាទោះចង់មិនចង់គឺគេធ្វើការជាមួយរដ្ឋាភិបាលថ្មីរបស់យើង»។

អគ្គរាជទូតថ្មីទាំង៧ បានចូលទៅជួបពិភាក្សា និងទទួលការណែនាំពីប្រទេសសភាលោកស្រី ឃួន សុដារី ដោយក្នុងនោះប្រធានរដ្ឋសភាបានណែនាំឱ្យឯកអគ្គរាជទូតក្នុងប្រទេសទាំង៧ ខិតខំធ្វើការទទួលខុសត្រូវខ្ពស់ លើកកិត្យានុភាពជាតិខ្មែរនៅប្រទេសដែលតាំងនៅ ជាពិសេសត្រូវធ្វើការជំរុញសេដ្ឋកិច្ចការទូតដែលជាអទិភាពចំបងរបស់រដ្ឋាភិបាលថ្មីក្នុងការទាក់ទាញអ្នកទេសចរណ៍ និងបើកទីផ្សារកម្ពុជាឱ្យកាន់តែទូលំទូលាយទៅកាន់ប្រទេសទាំងនោះផងដែរ៕


ព័ត៌មានជាច្រើនទៀតសម្រាប់អ្នក